ISPILUA
Helburuak
Parte hartzaileen konfiantza handitzea, bai gizabanako gisa, bai taldekide gisa.
Jolastuz gozatzea.
Taldea kohesionatzea.
Parte hartzaileak
+4, binaka.
Garapena
Parte hartzaileak binaka jartzera gonbidatuko ditugu, aurrez aurre, elkarri begira daudela.
Ispilua izeneko jolas batean arituko garela azalduko diegu. Hala, pertsona batek mugimendu jakin batzuk egingo ditu, eta bestea, aldi berean, mugimenduak errepikatzen saiatuko da, ispilu bat balitz bezala.
Tarte bat utziko dugu zalantzak argitzeko eta galderak egiteko. Ispiluarena aurrena nork egingo duen ere adostu beharko dute.
Behin jolasean hasita, nahikoa irizten diogun arte utziko diegu jolasean.
Amaitzeko, ispilura hurbiltzeko eskatuko diegu, biak besarkada estu batean lotu arte.
Beste saio bat egingo dugu, paperak aldatuta.
Antolaketa
Jolas eremuan ez du oztoporik egon behar, bikoteak lasai aritu ahal izan daitezen.
Jolas eremua
Toki zabal bat.
Denbora
15 minutu.
Materiala
Ez da beharrik.
Aldaerak
Geuk agin dezakegu zer mugimendu egin behar dituzten, nahieran mugitzen utzi ordez.
Gomendioak
Mugimenduak poliki egin ditzaten eskatuko diegu. Izan ere, jolas honen helburua parte hartzaileek elkarri behatzea da, eta ez ispiluarena egiten duen laguna itoaraztea, etengabe mugimenduak imitatzera behartuz.
Ebaluazioa
Erreparatu ea taldeak ondo pasatu duen eta parte hartzaileen arteko harremanak pixka bat naturalagoak diren.
