ARGAZKI MAKINA
Helburuak
Parte hartzaileen konfiantza handitzea, bai gizabanako gisa, bai taldekide gisa.
Jolastuz gozatzea.
Taldea kohesionatzea.
Parte hartzaileak
+8, por parejas
Garapena
Parte hartzaileak binaka jarriko dira.
Jolasa zertan datzan azalduko diegu: pertsonetako bat argazkilaria izango da, eta bestea, argazki makina. Argazkilariak bere makina gidatuko du (makinak begiak itxita izango ditu) jolas eremuan zehar, argazkia egiteko paisaia edo objektu baten bila. Bere gustuko zerbait aurkitzean, haren aurrean ipiniko du makina. Orduan, “Klik!” esango du, eta makinarena egiten duen pertsonak begiak irekiko ditu, hiru segundoz, aurrean zer duen begiratzeko. Gero, begiak itxiko ditu berriro.
Prozedura bera errepikatuko dugu hiru edo lau objekturen aurrean.
Tarte bat utziko dugu zalantzak argitzeko eta galderak egiteko, eta argazkilaria eta makina nor izango diren erabakitzeko.
Seinale bat egingo dugu, dinamikari hasiera emateko.
Jolasa nola doan begiratuko dugu eta bikote bakoitzak hiruzpalau argazki egin dituela ikusten dugunean, eten bat egingo dugu, paperak truka ditzaten.
Beste saio bat egingo dugu.
Saioa amaitzean, taldea biribilean jartzera eta bizitako esperientzia azaltzera gonbidatuko dugu: zer fotografiatu duten, nola sentitu diren, gidariak ondo gidatu ote dituen, etab.
Antolaketa
Gauza politak fotografiatzeko aukera ematen duen toki batean proposatuko dugu jolas hau.
Jolas eremua
Edozein.
Denbora
10-15 minutu.
Materiala
Ez da beharrik.
Aldaerak
Gai bat proposa daiteke: koloreak, adibidez.
Gomendioak
Adierazgarriak edo orijinalak izan daitezkeen gauzak bilatzera animatuko dugu taldea.
Ebaluazioa
Erreparatu ea taldeak ondo pasatu duen eta parte hartzaileen arteko harremanak pixka bat naturalagoak diren.
Hausnarketa unean, kontuan hartu taldearen iritziak.
