ENTZUTEN BADIDAZU…
Helburuak
Taldea isilik eta adi egotea lortzea.
Ahotsa goratu beharrik izan gabe hitz egin ahal izatea.
Parte hartzaileak
+1
Garapena
Eskua altxatu eta zenbaki bat adieraziko dugu hatzekin (hirua, adibidez), honela esanez: “entzuten badidazu, egin hirua hatzekin…”.
Ekintza errepikatuko dugu, hatzekin beste zenbaki bat adieraziz.
Sekuentzia errepikatuko dugu, talde osoaren arreta erakartzea lortu arte. Orduan, isiltasuna eskatuko diogu taldeari, ahotsa goratu gabe hitz egin ahal izateko.
Antolaketa
Dinamika honek ez du aurkezpenaren beharrik. Taldea hizketan edo zarata egiten ari denean erabiltzekoa da. Hasteko, aurrean ditugun pertsonengana joko dugu, eta pixkana-pixkana gainerakoak ohartuz joango dira. Horrek denbora gehiago eskatuko badigu ere, ahotsa goratu gabe jardun behar dugu denbora guztian.
Jolas eremua
Edozein.
Denbora
5 minutu.
Materiala
Ez da beharrik.
Aldaerak
Parte hartzaileei edozein mugimendu imitatzeko eskatu, edo galde-erantzunezko jokoak egin.
Gomendioak
Ez galdu pazientzia; izan ere, teknika honekin ez da erraza isiltasuna berehala lortzea. Mugimenduen artean dibertigarriagoa den baten bat tartekatzen badugu, errazago erakarriko dugu taldearen arreta.
Ebaluazioa
Isiltasuna lortzen den ikusi.
