NAHAS-MAHASEAN
Helburuak
Parte hartzaileen konfiantza handitzea, bai gizabanako gisa, bai taldekide gisa.
Jolastuz gozatzea.
Parte hartzaileak elkar ukitzera bultzatzea, haien artean konfiantza handitzeko bide gisa.
Parte hartzaileak
+6
Garapena
Parte hartzaileak biribilean jarraraziko ditugu, elkarren artean tarterik utzi gabe.
Jolasa azalduko diegu: gure aginduak bete beharko dituztela, dauden tokitik mugitu gabe eta azken unera arte eutsiz emandako aginduari.
Hasiera emango diogu jolasari, era honetako aginduak emanez:
Ukitu urdina den zerbait.
Zapaldu ezkerrean daukazun lagunaren oina.
Jarri belauniko.
Ukitu ezker eskuarekin eskuinean duzun lagunaren sorbalda.
…
Erori gabe eustea zaila denean, azken agindua emango dugu: “Denok batera, oreka galdu gabe, ukitu esku batekin zirkuluaren erdia”.
Ondo pasa badute, beste saio bat egin dezakegu.
Jolas eremua
Edozein.
Denbora
10-15 minutu.
Materiala
Ez da beharrik.
Aldaerak
Hasieran, postura berean egotera behartuko ez dituzten aginduak emango dizkiegu. Bukatzeko, berriz, posturari eusten saiatzeko eskatuko diegu.
Gomendioak
Parte hartzaileen kontaktu fisikoa inplikatuko duten aginduak eman.
Ebaluazioa
Erreparatu ea taldeak ondo pasatu duen eta parte hartzaileen arteko harremanak pixka bat naturalagoak diren.
