EMOZIOAK LANTZEKO TEKNIKAK

Talde bateko kideak jarduera bat egin aurretik, bitartean eta/edo ondoren nola sentitzen diren ikustea.

+5

Biribilean eserita jarriko gara.
Grafikoa aterako dugu (aldez aurretik prest eduki beharko dugu) eta parte hartzaile bakoitzeko postit eta bolaluma bana banatuko dugu.
Eskatuko diegu idazteko zerotik ehunera bitarteko zenbaki bat nola sentitzen diren irudikatzeko, eta hitz bat haien gogo-aldartea definitzeko. Adibidez: %80, motibatuta.
Amaitutakoan, grafikoan itsatsiko ditugu geure postit-ak, dagokion altueran; gero, bertan idatzitakoa irakurri eta nork bere egoerari buruzko iruzkin bat egingo du.
Amaitzeko, irakurketa global bat egingo dugu, grafikoa aztertuta. Horrela, denok gutxi gorabehera maila berean gauden ikusiko dugu, ea norbait batez bestekotik oso urrun dagoen, etab.

Biribilean eseriko gara, grafikoa erdian utzita. Postit-ak itsatsita gordeko dugu grafikoa, hurrengo batean beste egiten badugu, harekin erkatzeko (parte hartzaile berak eta prozesu beraren barruan aritzen badira behintzat).

Lan aretoa.

Grafiko bat (0tik 100era bitarteko lerro bat), kartoi edo paper handi batean marraztua.
Postit-ak.
Bolalumak.

Behin baino gehiagotan erabiltzekoa bada, bi koloreko postit-ak itsatsiko ditugu, aurreko egoera eta ondokoa alderatzeko.

Sentimenduak adieraztea eta elkarren laguntzaz haiei aurre egiten ikastea.

+8

Amaitu gabeko esaldi bana duten hiru kutxa jarriko ditugu. Adibidez:
Nahiago nuke ez…
Nire arazoetako bat…
Damu dut…
Paper eta bolalumak banatuko ditugu parte hartzaileen artean eta esango diegu esaldi amaiera batzuk idazteko (bat gutxienez, hiru gehienez) kutxa bakoitzeko.
Esaldi amaierak idatzi ahala, dagokien kutxan sartuko ditugu, tolesturik eta sinadurarik gabe.
Adostutako denbora igarotzean, edo denek idazten amaitu dutela ikustean, txarteletako bat irakurriko dugu, eta, denen artean, hura idatzi duenaren arazoarentzako irtenbide bat bilatzen saiatuko gara.
Prozesua errepikatuko dugu txartel guztiak irakurri arte.

Biribilean eseriko gara, hiru kutxak erdian hartuta.

Lan aretoa.

Orriak eta idazteko materiala.
Hiru kutxa.

Ez dago.

Hitzez adieraztea nola sentitzen garen.

+5

Biribilean eserita jarriko gara.
Argazki batzuk jarriko ditugu biribilaren erdian (jarduera honetarako propio hautatutakoak). Argazki beraren kopia bat baino gehiago egon daiteke. Parte hartzaile bakoitzeko bana gutxienez, baina ideala askoz gehiago egotea da, non aukeratu izan dezaten.
Nola sentitzen garen irudikatuko duen irudi bat aukeratuko dugula azalduko dugu. Horretarako, biribilaren erdira hurbilduko gara talde txikitan (hiru bat laguneko taldeak), irudiak ikusi, eta nola sentitzen garen hobekien erakusten duena aukeratuko dugu. Behin irudia aukeratuta, zirkulura itzuliko gara.
Gauza bera egingo dugu berriro parte hartzaile guztiek argazki bana eskuratu eta denak berriro biribilean eserita egon arte.
Banan-banan, pertsona bakoitzak bere aukeraren arrazoiak azalduko ditu, nola sentitzen den, etab.
Parte hartzaile bakoitzak bere azalpenak eman ondoren, argazkiak jasoko ditugu.

Argazkiak prest eduki behar ditugu jarduera proposatu baino lehen. Emozioak irudikatzen edo gogorarazten dituzten pertsonak (edo bestelakoak) agertu behar dute argazkietan. Adibidez: pertsona irribarretsu bat, haserre dagoen norbait, jolasean ari den txakur bat, euripean dantzan ari den pertsona bat, etab. Zenbat eta argazki mota desberdin gehiago izan, orduan eta hobe.

Edozein.

Askotariko argazki sorta.

Ez dago.

Hitzik egin gabe, sentimenduak adierazteko gauza izatea.

Nahi adina.

Lan aretoan, idazteko materiala jarriko dugu: orriak, kartoi meheak, arkatzak, margoak, errotuladoreak, guraizeak etab.
Ariketa honen helburua egoera jakin batean sentitutako sentipenak marraztea dela azalduko diegu parte hartzaileei. Adibidez: nola sentitu zinen ikastaro honetara iritsi zinen lehen egunean?
Lan egiteko zenbat denbora erabiliko dugun adostu ondoren, lanari ekingo diogu. Parte hartzaileek banaka eta isilik egin behar dute lan, bakoitza bere zereginean ondo kontzentratu ahal izateko. Eskura duten material guztia erabil dezakete
Amaitzean, bakoitzak bere lana erakutsiko du, eta hala nahi duenak, zer irudikatu nahi izan duen azaldu ahal izango du.

Idazteko materiala denak aise iristeko moduko toki batean utziko dugu. Biribilean eserita bagaude, erdian utz dezakegu.

Lan aretoa.

Orri zuriak eta koloretakoak.
Margoak, arkatzak, errotuladoreak, akuarelak, etab.

Talde baten barruan suminaren presentzia eta adierazpena legitimatzea.
Besteengan sumina eragiten duten portaerak identifikatzea eta hura menderatzeko moduak bilatzea.

+5

Parte hartzaile bakoitzeko paper eta bolaluma bana banatuko dugu.
Osatu gabe dauden lau esaldi irakurriko ditugu eta parte hartzaileek burura etortzen zaien lehenengo ideiarekin bete beharko dituzte, beren burua zentsuratu gabe. Idatzitakoa gainerako taldekideei erakutsi beharko diete gero, eta horregatik, letra handiz eta argi eta garbi idazteko eskatuko diegu.
Lehen esaldia irakurriko dugu eta tarte bat utziko dugu esaldia osa dezaten.
Prozesua errepikatuko dugu lau esaldiak osatu arte. Era honetako esaldiak izan daitezke:
Oso haserre jartzen naiz besteek…
Nire haserrea ……… dela sentitzen dut.
Besteek nirekiko haserrea adierazten dutenean, ni…
Besteen haserrea ……… dela sentitzen dut.
Amaitutakoan, papera bularrean itsas dezatela eskatuko diegu, beste guztiek irakurri ahal izateko moduan.
Sei bat laguneko taldetan banatuta, idatzitako esaldiak partekatuko ditugu.
Ondoren, haserre sentimenduak besteekin partekatzeak norberarengan duen eraginaren inguruan hausnartuko dugu.
Taldez talde ibiliko gara parte hartzaileak elkarri feedbacka ematera bultzatzeko, haiei aholku emateko, etab.
Azkenik, bizitzan ikasitakoa nola aplikatu aztertzeko prozesu bat gidatuko dugu.

Orriak aldez aurretik prest eta zeloa eskura izan behar dugu.

Lan aretoa.

Orriak eta idazteko materiala.

Talde bateko kideak jarduera bat egin aurretik, bitartean eta/edo ondoren nola sentitzen diren ikustea.

+5

Irudizko lerro bat egingo dugu lurrean, edo klarionez marraztuko dugu bat, jarduera egingo dugun eremuan.
Muturretako bat zero zenbakia izango dela azalduko diegu, eta bestea hamarra.
Parte hartzaileei zero zenbakiaren parean jartzeko eskatuko diegu, eta zenbait galdera egingo dizkiegula azalduko diegu. Galderari erantzutean, haien ustez bere erantzunak irudikatzen duen zenbakiaren parean jarri beharko dira.
Galdera bat egingo dugu, eta hitza emango diegu parte hartzaile batzuei edo guztiei, beren erantzunaren zergatia azaldu ahal izan dezaten.
Era honetako galderak egin ditzakegu:
Oso nekatuta zaude?
Gustura zaude orain arte egindako jarduerekin?
Aurrera jarraitzeko motibatuta zaude?
Etab.

Galderak aldez aurretik prest eduki.

Lan aretoa.

Ez da beharrik.