BOST KONTINENTE
Helburuak
Taldeak modu dibertigarri batean eratzea.
Parte hartzaileak
+10
Garapena
Jarduera hau egiteko, taldea hainbat taldetxotan banatuko dugula azalduko diegu parte hartzaileei. Horretarako, hitz bat esango diogu bakoitzari, familia edo sail bereko hitzak dituzten pertsonak bilatu ditzan, eta haiekin talde bat eratu dezan.
Tarte bat utziko dugu zalantzak argitzeko eta galderak egiteko.
Parte hartzaileei ilaran jartzeko eskatuko diegu.
Herrialdeen izenak xuxurlatuko ditugu parte hartzaileen belarrira.
Ondoren, jolasari ekiteko seinalea egingo dugu, parte hartzaileak beren taldekideen bila has daitezen.
Antolaketa
Parte hartzaile bakoitzari herrialde baten izena xuxurlatuko diogu belarrira; kontinenteko bereko herrialdeekin bat egin beharko du.
Jolas eremua
Edozein.
Denbora
10 minutu.
Materiala
Ez da beharrik.
Aldaerak
Herrialde izenak erabili ordez, espezie bereko animalia izenak izan daitezke, edo beste edozer: arropa, landareak, janaria, etab.
Gomendioak
Aldez aurretik erabaki nolako taldeak osatu nahi ditugun, elkarrentzat oztopo izan daitezkeen pertsonak elkarrengandik bananduz eta elkarren lagungarri izan daitezkeenak elkartuz.
Ebaluazioa
Taldeak ondo eratu diren ikusi.
