Partaide kopurua
Gutxienez 2 (hobe gehiago)
Espazioa
Edozein
Azalpena
1. Abestiari jarraiki, euskal estiloan dantza egingo dugu, besoak gora altxatu eta kriskitinak joz. Hasieran jolaskide guztiak korroan ipiniko dira, bat izan ezik.
2. Bat hori korroaren erdian ipiniko da eta egokitzen denean korroko kide baten parean ipini eta bere izena esango du.
3. Ondoren biak korroaren erdian ipiniko dira eta kantuari ekingo zaio berriro. Izena esatea berriro egokitzen denean, bi jolaskideok beste jolaskide bana aukeratu eta korroaren erdira ekarriko dute.
4. Etenik gabe, gauza bera egingo da: alegia, abestia behin eta berriz errepikatuko da, korroko kide guztiak erdian dauden arte.
Kanta
Abestia
Nor da dantzari jai handi honetan.
Zuen pozgarri hementxe bertan.
Dantza ezazu zuk, (jolaskidearen izena), nirekin.
Dantza ezazu, zuk badakizu.
