DESKRIBAPEN OBJEKTIBOA ETA SUBJEKTIBOA
Helburuak
Abstrakziorako gaitasuna garatzea, gertaera bat, egoera bat edo errealitatea aztertzen dugunean bertan agertzen diren elementu subjektibo eta pertsonalak bereizi ahal izateko.
Arazo edo gai beraren aurrean, hari aurreko egiteko unean, jendeak modu desberdinetan jokatzen duela ikustea eta onartzea.
Objektiboa denaren eta subjektiboa denaren arteko diferentzia ikusaraztea.
Parte hartzaileak
+5
Garapena
Parte hartzaileak biribilean jarriko dira, aulkietan eserita.
Objektu bat aterako dugu eta hura deskribatzeko eskatuko diogu norbaiti (deskribapena nola egin adierazi gabe). Edozer gauza izan daiteke: landare bat, paper bilkari bat, txanpon bat, arkatz bat, etab.
Taldekideak deskribapena egin bitartean isilik egongo garela azalduko diogu taldeari. Objektu bat deskribatzerakoan, objektiboa dena subjektiboa denarekin nahasi ohi dugu.
Deskribapena amaitutakoan, deskribapen objektiboak eta subjektiboak zertan bereizten diren azalduko dugu, eta bakoitzaren adibide bat jarriko dugu, hobeto ulertzeko.
Ariketa errepikatuko dugu, beste objektu batekin eta beste parte hartzaile batekin, aurreko prozedura berari jarraituz.
Jolas eremua
Toki eroso bat, ondo entzuteko oztoporik gabekoa.
Denbora
30 minutu.
Materiala
Aulkiak eta deskribatzeko objektu bat.
Aldaerak
Taldeko norbaiti objektuaren deskribapena egiteko eskatuko diogu. Beste norbait lagunak deskribatutakoa marrazten saiatuko da paper batean edo arbelean, hari bizkarra emanda.
Gomendioak
Teknika hau oso egokia da trebakuntza prozesuetan erabiltzeko, errealitatearen, gertaeren eta interpretazioen analisi zehatza egiteko. Ikerketa prozesuetan, oinarrizko ariketa bat da informazio zehatz eta erreal bat lortzeko.
Arazo jakin baten ikerketa edo analisi prozesuaren hasieran aplikatzea da egokiena.
Ebaluazioa
Erreparatu ea amaierako hausnarketan parte hartzaile guztiek hitz egin duten.
Parte hartzaileek egiten dituzten iruzkin eta gogoetetatik abiatuta, erreparatu ea ariketaren helburua ondo ulertu den eta parte hartzaileen artean ariketak arrakastarik izan ote duen.
