URTXINTXAREN JOLASA

Partaide kopurua

Gutxienez 3 (hobe gehiago)

Informazio Praktikoa

Aldaerak atalean ikus daiteken moduan, abesti asko daude euskaraz jolas honetan aritzeko. Itxura denez, nahiko jolas modernoa da, eta euskarazko abestiak gaztelaniazko doinuetan eta hitzetan oinarrituta daude. DON MAKARRON, SUERTEDUN KONEJUA eta OKAN JOLASTUZ abestiak erabiltzen dira, besteak beste. Jolas hauek oso zabalduta daude, batez ere aisialdiko taldeen artean.

Espazioa

Edozein

Aldaerak

*okan jolastuz
Aldaera honetan berdin jolasten da, baina abestiaren hitzak aldatzen dira: OKAN JOLASTUAZ AZ AZ ZABALDU EGOA GORDE GORDE GORDE HANKA. Gainera, abestiak muxurik aipatzen ez duenez, HANKA hitza esaterakoan egokitu zaion ezkerreko jokalaria eskuineko eskua kentzen saiatuko da. Eskuineko jokalaria, aldiz, ezkerreko jokalariaren eskua jotzen saiatuko da. Ezkerreko lagunak eskua garaiz kentzea lortzen badu, eskuinekoa kanpoan geldituko da. Eskuineko lagunak ezkerrekoaren eskua joz gero, ezkerreko jokalaria geldituko da kanpoan.

Azalpena

1. Jokalari guztiak biribilean jarriko dira eskuak honela dituztela: eskuineko eskua gure eskuinean dagoen pertsonaren eskuaren gainean eta ezkerreko eskua gure ezkerraldean dagoen pertsonaren eskuaren azpian.

2. Abesten hastearekin batera jokalari batek eskuineko eskuarekin bere ezkerraldean dagoen lagunaren eskuineko eskua joko du. Abestiaren erritmoa jarraituz jokalari guztiek banan-banan ezkerraldean duten jokalarien eskua joko dute.

3. Azkeneko hitzaren (…DUZU) azkeneko silabara (-ZU) iristerakoan, jotzeko txanda egokitu zaion ezkerreko jokalaria eskuineko eskua kentzen saiatuko da. Eskuineko jokalaria, aldiz, ezkerreko jokalariaren eskua jotzen saiatuko da. Ezkerreko lagunak eskua garaiz kentzea lortzen badu eskuinekoak musu eman beharko dio. Eskuineko lagunak ezkerrekoaren eskua joz gero, ezkerreko jokalariak musu emango dio.

“Okan jolastuaz”.  Aldaera honetan berdin jolasten da, baina abestiaren hitzak aldatzen dira:

Okan jolastuaz az az

zabaldu egoa

gorde gorde gorde

hanka

Abestiak musurik aipatzen ez duenez, HANKA hitza esaterakoan egokitu zaion ezkerreko jokalaria eskuineko eskua kentzen saiatuko da. Eskuineko jokalaria, aldiz, ezkerreko jokalariaren eskua jotzen saiatuko da. Ezkerreko lagunak eskua garaiz kentzea lortzen badu, eskuinekoa kanpoan geldituko da. Eskuineko lagunak ezkerrekoaren eskua joz gero, ezkerreko jokalaria geldituko da kanpoan.