AURKEZPEN
TEKNIKAK

Parte hartzaileen izenak ikastea.
Taldeko kide guztiak integratzea eta haiei buruz zerbait gehiago ikastea.

+5

Parte hartzaileak biribilean jarriko dira, zutik edo eserita, denak erdira begira.
Jolasaren gidariak artilezko haril bat (haria bilduz egindako bola) emango dio taldeko kideetako bati.
Harila duen pertsonak bere izena esango du, eta berari buruzko informazioren bat emango du, aldez aurretik zehaztutako zerbait: adina, jatorria, zaletasunak, bere nortasunari buruzko ezaugarriren bat…
Hitz egiten amaitutakoan, harilari mutur batetik heldu, eta taldeko beste kide bati jaurtiko dio artile harizko bola.
Aurrekoaren moduan, harila hartzen duen pertsonak bere buruaren aurkezpena egingo du, eta behin aurkezpena eginda, beste norbaiti jaurtiko dio bola, esku batekin hari zati bati eusten diola.
Ariketa errepikatuko dugu, taldeko kide guztiek beren burua aurkeztu arte eta taldearen inguruan artilezko armiarma sare bat ehundu arte.
Harila taldeko azken pertsonarengana iristen denean, azken horrek bere aurrekoari ―hots, harila eskuratu dionari― itzuliko dio bola, hari buruzko datuak errepikatzeaz batera.
Haria bilduz-bilduz errepikatuko dugu ariketa, harila dinamikari hasiera eman zion kidearengana iritsi arte.

Parte hartzaile guztiak biribilean jarriko dira, elkarri begira. Jolasa zertan datzan ondoren, dinamizatzailea taldeko beste kide bat gehiago bezala arituko da. Dinamika hau aurkezteko unean, harila gertu edukitzea edo eskuetan izatea komeni da.

Partaide guztiak biribilean eta eroso sartzeko bestekoa.

Artilezko bola bat edo soka mataza bat.

Eserita arituz gero, kuxinak jarri lurrean, erosoago egoteko.
Dinamika aire zabalean eginez gero, ziurtatu zaratarik ez dagoela; zaratak komunikazioa zailduko luke.
Artile edo lokarri zabala erabili, aise ikusteko modukoa, eta ez listari fin bat.
Datu errazak eskatu, inor konpromisoan jarri gabe. Izan ere, parte hartzaileek ez dute elkar ezagutzen oraindik; dinamizatzaileak parte hartzaileak ere ez.

Parte hartzaileen izenak ikastea.
Parte hartzaile guztiak integratzea eta konfiantza giroa sortzea.
Ahozko adierazpena eta desinhibizioa sustatzea.

6tik 20ra bitarte.

Parte hartzaileak binaka jarriko dira; ahal dela, ezagutzen ez duten norbaitekin.
Binakako taldetan banatuta, bakoitzak bere buruaz hitz egingo dio bere bikotekideari, ezaugarri pertsonalen bat emanez. Adibidez: izena, adina, jaioterria, zaletasunak, bertuteak…
Behin aurkezpenak egin ondoren, taldera bilduko dira denak.
Bikotekideek elkarren aurkezpena egingo du talde osoaren aurrean.
Dinamika errepikatuko dugu, bikotekide guztiak aurkeztu arte.

Ariketa azaltzeko orduan, parte hartzaileak biribilean edo antzoki eran eserita jarriko dira. Batzuen eta besteen artean tarte bat utzita eseriko dira bikoteak, hizketan hasten direnean elkarri ahalik eta trabarik gutxien egite aldera. Taldea berriro biltzean, biribilean jar gaitezke, bikotekideak elkarren ondoan eserita egotea komeniko zaigula kontuan hartuta; bestela, antzoki eran jar gaitezke, eta orduan bikoteak banan-banan aterako dira gainerako taldekideen aurrean hitz egitera.

Biribilean bikoteka jartzeko bestekoa, ondo ikusteko edo entzuteko oztoporik gabekoa.

Aulkiak.

Parte hartzaileen izenak ikastea.

+7

Parte hartzaileak biribilean jartzera gonbidatuko ditut.
Jolasaren dinamika azalduko dut, adibidea emanez: lehenengo pertsonak bere izena esango du eta nonbaiten azkura duela aipatuko du, azkura duen tokian hatz eginez. “Aiur dut izena eta azkura dut hemen” (sorbaldan hatz eginez, adibidez).
Nire ondoan eserita dagoenak jarraitu beharko du gero, nire izena esanez eta azkura non daukadan aipatuz.
Ondoren, pertsona horrek bere izena esango du eta azkura non duen aipatuko du, eta ondoan eserita duen pertsonak sekuentzia errepikatuko du. Eta horrela hurrenez hurren, biribileko guztiek parte hartu arte.

Txandak eta etenaldiak errespetatuko ditugu, taldeko kide berrien izenak buruz ikasteko.

Biribilean jarrita egon ahal izateko bestekoa, ondo ik eta entzuteko oztoporik gabekoa.

Taldea txikia bada, aurreko pertsona guztien izenak errepika ditzakegu, guztiei hazka eginez

Parte hartzaileen izenak ikastea.
Partaide guztiak integratzea eta haiei buruz zerbait gehiago ikastea.

+4

Taldea biribilean jartzera gonbidatuko dugu.
Parte hartzaileek beren izen-deiturak aipatuko dituzte, eta bai beren burua definitzen duten eta beren inizialekin bat datozen bi dohain edo bertute ere. Adibidez: Patxi Arrieta, pazientzia eta adeitasuna.

Txandak eta etenaldiak errespetatuko ditugu, taldeko kide berrien izenak buruz ikasteko.

Biribilean jarrita egon gaitezen edozein toki, ondo ikustea eta entzutea eragoz dezakeen oztoporik gabekoa.

Ez da beharrik.

Parte hartzaileen izenak ikastea.
Parte hartzaile guztiak integratzea eta konfiantza giroa sortzea.
Ahozko adierazpena eta desinhibizioa sustatzea.

+8

Parte hartzaileko bakoitzeko paper bana eta arkatz edo bolaluma bana banatuko ditugu.
Galdera batzuk egingo ditugu, ahots ozenez, eta parte hartzaileek paperean idatziko dute erantzuna. Zera galdetuko diegu, adibidez: adina, gustukoen duten musika estiloa, gustukoen duten kirola, gustukoen duten kolorea, gustura egiten duten gauza bat, etab.
Lau edo bost galdera egin ondoren, orriak tolestu, eta guri itzultzeko eskatuko diegu, eta poltsa edo kutxa batean gordeko ditugu denak.
Amaitutakoan, bakoitzak orri bat ausaz ateratzeko eta bere golkorako irakurtzeko eskatuko diegu.
Ondoren, tarte bat izango dute elkarrekin hitz egiteko: ahalik eta informazio gehien lortzea eta atera duten papera nork idatzia den asmatzea izango da helburua.
Partaideak zenbat diren eta dinamizatzaileak zer behar ikusten dituen, gehiago edo gutxiago luza daiteke jarduera.
Haien ustez papera nori dagokion idazteko eskatuko diegu, paper horretan bertan.
Taldea biribilean jartzera gonbidatuko dugu, zutik edo eserita.
Banan-banan paper guztiak irakurri, eta bakoitza nori dagokion asmatu ote dugun egiaztatuko dugu.

Dinamizatzaileak dinamika honetan egingo dituen galderak aldez aurretik prestatuko dira; parte hartzaileen adinera eta partaide kopurura egokituta egon beharko dute galdera horiek, bai eta unean uneko testuingurura ere.

Biribilean zutik jarrita egoteko adinakoa, ondo ikusteko edo entzuteko oztoporik gabekoa

Parte hartzaile adina paper eta bolaluma; poltsa bat edo kutxa bat.

Parte hartzaileen izenak ikastea.
Parte hartzaile guztiak integratzea eta konfiantza giroa sortzea.

+12

Taldea biribilean jartzera gonbidatuko dugu.
Ni erdian jarriko naiz, goma-aparrezko txurroa eskuan.
Biribilean dagoen pertsona batek taldeko norbaiten izena esango du, eta pertsona horrek beste norbaitena, nik berari txurroarekin buruan jo baino lehen.
Norbait jotzen dudanean, haren lekuan jarriko naiz, eta hura nirean, biribilaren erdian. Hark dantzatuko du aurrerantzean txurroa gure buruetan.
Aurrera jarraituko dugu jolasarekin, parte hartzaile guztien edo gehienen izenak esan arte.

Parte hartzaile guztiak zutik egongo dira. Jolasa azkar egin behar da. Izena esan dioten pertsonak jolasean parte hartzen ari ez den norbaiten izena esaten badu, edota erdian dagoenaren zartakoa hartzen badu biribileko norbaiten izena esaten asmatu baino lehen, erdira pasatuko da.

Biribilean jarrita egoteko behar bestekoa, ondo ikusteko edo entzuteko oztoporik gabekoa.

Goma-aparrezko txurro bat, edo beste edozein objektu luze eta bigun.

Parte hartzaileen izenak ikastea.
Parte hartzaile guztiak integratzea eta konfiantza giroa sortzea.
Arreta eta behaketa sustatzea.
Komunikazio ez-hitzezkoa garatzea.
Lankidetza eta elkarlana bultzatzea.

+6

Parte hartzaileak ilaran jarriko dira, bata bestearen atzean, zutik.
Ilaran, izenen alfabeto ordenaren arabera jarri behar direla azalduko dugu, eta komunikazio ez-hitzezkoa baliatu beharko dutela horretarako. Hori helburu hartuta, elkar laguntzera eta elkarlanean aritzera bultzatuko dugu taldea.
Taldea jarduera hastera gonbidatuko dugu; guk jardueraren martxari erreparatuko diogu.

Jarduerarekin hasi baino lehen, hura aurrera eramateko behar besteko tokia dugula egiaztatuko dugu.

Parte hartzaileak ilaran jarrita sartzeko bestekoa.

Ez da beharrik.

Parte hartzaileen izenak ikastea.
Parte hartzaile guztiak integratzea eta haien artean konfiantza giroa sortzea.

+7

Taldea biribilean jartzera gonbidatuko dut.
Dinamika aurrera eramateko jarraibidea emango dut. Horretarako, nire izena esango dut, eta ni identifikatuko nauen keinu bat egingo dut. Adibidez: gitarra jo.
Nire ondoan dagoen pertsonak, nire izena eta nik egin dudan keinua errepikatu ondoren, bere izena eta keinua gehituko ditu. Adibidez. Leire (gitarra jotzeko keinua eginez) eta Maddi (liburu bat irakurtzeko itxurak eginez).
Biribilean hurrengo denak aurreko guztien izenak eta keinuak errepikatuko ditu, eta, ondoren, bereak gehitu.
Biribileko guztiek parte hartu arte errepikatuko dugu dinamika.

Biribilean jarrita egoteko behar bestekoa, ondo ikusteko edo entzuteko oztoporik gabekoa.

Ez da beharrik.

Parte hartzaileen izenak ezagutzea eta ikastea.

10etik 24ra bitarte lagun.

Aurrena jolasaren dinamika azaldu eta gero taldeak egin.

Bi taldeak aurrez aurre jarri ahal izateko bestekoa. Tartean ez da zutaberik edo ikusmena eragotz dezakeen ezer egon behar.

Ez da beharrik.

Parte hartzaileen izenak ezagutzea eta ikastea.

+12

Taldea biribilean jarri ondoren, dinamika zertan datzan azalduko dugu, eta proba saio batzuk egin, dena ondo ulertu dela eta zalantzarik ez dagoela ziurtatzeko. Aurrena, dinamizatzailea bera jarriko da erdian, eta berak emango du sekuentziaren lehen adibidea.

Partaide guztiak biribilean jarrita eta eroso sartzeko bestekoa.

Aulkiak edo kuxinak.