TELEGRAMA
Helburuak
Ukimenaren bidez sentimendu adierazpena lantzea eta talde osoari bizipen hori izaten laguntzea.
Parte hartzaileak
+5
Garapena
Parte hartzaileak, elkarri eskua emanda eta begiak itxita, biribilean jarriko dira.
Boluntario bati eskatuko diogu mezu bat bidal diezaiola biribilean dagoen beste norbaiti bere eskuaren bidez (adibidez: bi estutu-etena-estutu bat), hari sentimendu bat adieraziz.
Mezua jaso duen pertsonari eskatuko diogu mezu bera bidal diezaiola hurrengo pertsonari, eta horrela hurrenez hurren, zirkulu osoa zeharkatu arte.
Mezua azken pertsonarengana heltzen denean, mezua ahoz deskribatzen saiatuko da pertsona hori.
Beste boluntario batekin eta beste mezu batekin errepikatuko dugu orduan dinamika.
Antolaketa
Taldea biribilean jarrita dagoenean, dinamika zertan datzan azalduko dugu, adibide bat emanez.
Ariketa errepikatu ahala, handituz joango da sentipenen transmisioa eta aberastasuna, bai eta talde sentimendua bera ere.
Jolas eremua
Edozein.
Denbora
15 minutu.
Materiala
Ez da beharrik.
Aldaerak
Dinamizatzaileak berak proposatuko dio erronda hasten duen boluntarioari zer sentimendu adierazi.
Gomendioak
Saiatu lankidetza jarrera suspertzen parte hartzaileen artean.
Ebaluazioa
Aintzat hartu parte hartzaileek zer adierazi duten, taldeak zer transmititu duen eta nolakoa izan den azken pertsonaren ahozko adierazpena. Hortik abiatuta, elkarrizketa bat sustatu, komunikazio ez-hitzezkoak taldean eta oro har gizartean duen balioaren inguruan.
