TXOMINEN ANDRIA

Partaide kopurua

Gutxienez 3 (hobe gehiago)

Informazio Praktikoa

Jolas hau oso ezaguna da Durangaldean. Hitzak aspaldikoak dira eta horregatik herri bakoitzak aldaera ezberdin bana du.

Espazioa

Kalea edo gela zabal bat, nahiko altuera baldin badu.

Aldaerak

*Txominen hankie

Zaldibarko Eixu! Euskara Taldeak argitaratu zuen Zaldibarko Joko Zaharrak liburuxkan honako aldaera hau aurkitu dugu: Bat, bi, hiru te lau, Txominek hankie falta dau, ta orman sulue topatu dau, ta sirrike sirrike etara dau, Txominek deko dendie, sagar ustelez betie.

Azalpena

Bi lagunek sokari eragingo diote. Jolasaren hitzak abestuz beste jolaskide bat saltoka arituko da abestiaren erritmoa jarraituz. Kanta osoa bukatzerakoan berriro abestuko dute kanta bera baina oraingo honetan askoz ere erritmo biziagoan. Bigarren aldi honetan hasierako jolaskide berak salto egingo du.

Esamoldeak

SOKARI ERAGIN: Soka eman
HUTS EGIN: Gaizki egin

Gaitasunak

Jarduera ludikoa: entzumenezko, mugimenduko eta trebetasunezko jokoa

Jarduera kognitiboak: sentipenezko eta mugimenduzko jokaera erritmikoa: errepikapena. Eragiketa jokaera: arrazoibide konkretua.
Trebetasun funtzionalak: ikerketa: lekualdatzea (saltoa).