ABSTRAKZIO TEKNIKAK

Kontzeptuen abstrakzioa eta asoziazioa egiteko gaitasuna garatzea.
Termino bati buruz egin daitezkeen interpretazioak analizatzea, jendearen esperientzia zehatzetatik abiatuta.

+5

Taldearentzat interesgarriak izan daitezkeen eta saio honetan landu beharreko gaiarekin zerikusia duten gako hitz batzuk aukeratuko ditugu.
Hitzetako bat hartu eta taldeari erakutsi ondoren, haien ustez hitz horrekin erlazioren bat izan dezaketen beste hitz batzuk esateko eskatuko diegu parte hartzaileei.
Ordenan, banan-banan, zerekin erlazionatzen duten esango dute.
Arbelean edo paper handi batean idatziko ditugu hitzok.
Ondoren, elkarrizketa bat dinamizatuko dugu, lehen hitza beste horiekin zergatik erlazionatu dugun azaltzeko.
Bukatzeko, taldeak hitz horrekin ulertu duenaren sintesi bat egingo dugu.

Toki eroso bat, ondo entzuteko oztoporik gabekoa.

Arbel bat edo orri handi bat, oharrak hartzeko, eta idazteko materiala.

Teknika hau trebakuntza jardunaldi baten hasieran erabiltzea komeni da, taldeak hitz jakin baten gainean zer dakien ikusteko.
Baina trebakuntza jardunaldiaren amaieran ere erabil dezakegu, gai bat sintetizatzeko edo ikasitako kontzeptu bati buruzko ondorioak ateratzeko.

Abstrakziorako gaitasuna garatzea, gertaera bat, egoera bat edo errealitatea aztertzen dugunean bertan agertzen diren elementu subjektibo eta pertsonalak bereizi ahal izateko.
Arazo edo gai beraren aurrean, hari aurreko egiteko unean, jendeak modu desberdinetan jokatzen duela ikustea eta onartzea.
Objektiboa denaren eta subjektiboa denaren arteko diferentzia ikusaraztea.

+5

Parte hartzaileak biribilean jarriko dira, aulkietan eserita.
Objektu bat aterako dugu eta hura deskribatzeko eskatuko diogu norbaiti (deskribapena nola egin adierazi gabe). Edozer gauza izan daiteke: landare bat, paper bilkari bat, txanpon bat, arkatz bat, etab.
Taldekideak deskribapena egin bitartean isilik egongo garela azalduko diogu taldeari. Objektu bat deskribatzerakoan, objektiboa dena subjektiboa denarekin nahasi ohi dugu.
Deskribapena amaitutakoan, deskribapen objektiboak eta subjektiboak zertan bereizten diren azalduko dugu, eta bakoitzaren adibide bat jarriko dugu, hobeto ulertzeko.
Ariketa errepikatuko dugu, beste objektu batekin eta beste parte hartzaile batekin, aurreko prozedura berari jarraituz.

Toki eroso bat, ondo entzuteko oztoporik gabekoa.

Aulkiak eta deskribatzeko objektu bat.

Erreparatu ea amaierako hausnarketan parte hartzaile guztiek hitz egin duten.
Parte hartzaileek egiten dituzten iruzkin eta gogoetetatik abiatuta, erreparatu ea ariketaren helburua ondo ulertu den eta parte hartzaileen artean ariketak arrakastarik izan ote duen.

Ideia edo gai baten alerdi nagusiak sintetizatzea edo laburtzea.
Arazo edo gai beraren aurrean, hari aurreko egiteko unean, jendeak modu desberdinetan jokatzen duela ikustea eta onartzea.

+5

Gai baten inguruko azalpena egin ondoren, gai horretaz pentsatzen dutena hitz batean laburtzeko eta paper batean idazteko eskatuko diegu parte hartzaileei.
Norbaitek hitzok irakurtzen dituen bitartean, guk arbel batean edo paper batean idatziko ditugu, denek aise irakurtzeko moduan.
Gogoeta labur bat dinamizatuko dugu hitz bakoitzak parte hartzaileentzat izan dezakeen esanahiaren gainean.

Toki eroso bat, ondo entzuteko oztoporik gabekoa.

10-15 minutu.

Orriak eta arkatzak edo bolalumak, arbela edo paper handi bat.

Erreparatu ea amaierako hausnarketan parte hartzaile guztiek hitz egin duten.
Parte hartzaileek egiten dituzten iruzkin eta gogoetetatik abiatuta, erreparatu ea ariketaren helburua ondo ulertu den eta parte hartzaileen artean ariketak arrakastarik izan ote duen.

Kontzeptuen abstrakzioa eta asoziazioa egiteko gaitasuna garatzea.
Termino bati buruz egin daitezkeen interpretazio desberdinak analizatzea, jendearen esperientzia zehatzetatik abiatuta.
Talde bati antolatzen laguntzea.

+10

Parte hartzaile bakoitzeko paper bana eta arkatz bana banatuko dugu.
Taldearekin landu nahi dugun gai bati buruzko galdera bat idatziko dugu arbelean.
Parte hartzaile bakoitzak bere erantzuna idatziko du.
Lau bat laguneko taldetxoak egingo ditugu eta lan aretoko toki batean elkartuko gara.
Esango diegu tarte bat utziko diegula erantzunak partekatzeko eta diskurtso propio bat sortzeko, talde nagusiaren aurrean ahozko azalpena egin baino lehen. Ideia nagusiak orri batean idatz ditzakete, edo aurkezpen grafiko bat presta dezakete.
Tarte bat utziko dugu lanerako (25 bat minutu).
Talde bakoitzaren ardura izango da denbora hori kontrolatzea.
Taldeak lanean ari diren bitartean, taldez talde ibiliko gara zalantzak ote dituzten ikusteko edo ematen dituzten erantzunen jarraipena egiteko.
Adostutako denbora amaitutakoan, biribilean jartzera eta lanen aurkezpena egitera gonbidatuko dugu taldea.
Taldeek lanen aurkezpenak egiten dituzten bitartean, arbelean idatziko ditugu talde bakoitzaren ideia nagusiak; hainbat taldek ideia bera azaltzen dutenean, hala jakinaraziko diegu interesatuei, eta lanetan soberan edo faltan diren elementuak identifikatzen lagunduko diegu galdera orientatzaileak eginez.

Prest eduki behar dugu lanari hasiera emango dion galdera edo premisa, eta aldez aurretik pentsatu zein izan litekeen taldearen erantzuna; izan ere, erantzun horren arabera diseinatuko ditugu amaierako eztabaida gidatzeko erabiliko ditugun galderak.

Lan aretoa, ahal bada lanerako mahaiez eta aulkiez hornitua.

Arbela, orriak, idazteko materiala, lanerako mahaiak eta aulkiak.

Abstrakziorako gaitasuna garatzea, gertaera bat, egoera bat edo errealitatea aztertzen dugunean bertan agertzen diren elementu subjektibo eta pertsonalak bereizi ahal izateko.
Egoera bera aztertzeko orduan batzuk eta besteok erabiltzen ditugun bide desberdinak ikustea eta onartzea.

+3

Biribilean esertzera edo arbelera begira jartzera gonbidatuko dugu taldea.
Parte hartzaile bakoitzeko paper eta arkatz bana banatuko dugu.
Esanahi zehatzik gabeko irudi batzuk dituen orri bat erakutsiko dugu.
Irudiei arretaz begiratzeko eta pentsarazi dietena edo haiek ikustean bururatu zaiena marrazteko eskatuko diegu.
Behin hori egindakoan, irudi guztiak erakutsiko dituzte, banan-banan, eta zer marraztu duten azalduko dute. Bien bitartean, arbelean idatziko dugu parte hartzaile bakoitzak azaldutakoa.
Parte hartzaileek azalpenak ematen bukatu ondoren, gertatutakoari buruzko hausnarketa labur bat bideratuko dugu, taldearekin batera eserita. Eztabaidan, marrazki bera interpretatzeko modu desberdinak daudela nabarmenduko dugu (inguratzen gaituen edozein gertaeraren metafora). Errealitatea aztertzen dugunean, banakoaren hautemate edo pertzepzio pertsonala beti hor egoten dela azalduko dugu. Hori guztia, noski, banako bakoitzak dituen balio, ikuspegi, esperientzia pertsonal, zaletasun, iritzi eta abarren mende dago.

Lan areto bat, guztiak aulkietan eserita sartzeko bestekoa, eta ondo ikusteko edo entzuteko oztoporik gabekoa.

20-25 minutu.

Aulkiak, orriak, arbela eta idazteko materiala.
Era honetako ariketetarako propio diseinaturiko marrazkiz hornituriko irudiak.

Oroimena lantzea.

+5

Talde txikiak egingo ditugu, bi edo hiru lagunekoak.
Hainbat zirkulu marraztuko ditugu lurrean (hamar, gutxienez), eta bakoitzean zenbaki bat idatzi eta objektu bat jarriko dugu.
Tarte bat utziko dugu parte hartzaileek zirkuluetako bakoitzean zer objektu dagoen ikusteko.
Objektu guztiak jasoko ditugu.
Taldeak banan-banan pasatuko dira objektuak ustez lehen zeuden tokian uztera.

Poltsa edo kutxa bat izan, ariketan erabiliko ditugun objektuak gordetzeko.
Kontuan izan marrazki bat egin behar dugula lurrean, bai lekua bai baldintzak horretarako egokiak diren ikusteko.
Paper batean idatzita eraman hasierako objektu-zerrenda, parte hartzaileek zenbat erantzun zuzen eman dituzten jakiteko.

Zabala izan behar du, lurrean marraztu ahal izateko modukoa, eta garbitzen erraza.

Abstrakziorako gaitasuna garatzea.
Kontzentrazioa eta buru azkartasuna trebatzea.

+6

Bi talde egingo ditugu.
Hitz bat esango dugu eta talde bakoitzak telegrama bat prestatu beharko du hitz horren letrekin, letra bakoitza bitan erabiliz, gehienez ere.
Hitz bat esango dugu.
Lanerako tarte bat utzi ondoren, taldeek sortutako telegramak irakurtzen hasiko gara.
Telegrama zentzuzkoenak puntu bat irabaziko du.

Hitzak aldez aurretik idatzita eramango ditugu: letra desberdin askoko hitz luzeak, ahal bada. Hitz batetik sortutako telegramak ere eraman ditzakegu, adibide gisa.

Toki eroso bat, ondo entzuteko oztoporik gabekoa.

Abstrakziorako gaitasuna garatzea, gertaera bat, egoera bat edo errealitatea aztertzen dugunean bertan agertzen diren elementu subjektibo eta pertsonalak bereizi ahal izateko.
Arazo beraren aurrean, jendeak arazoari heltzeko modu desberdinak daudela ikustea eta onartzea.

+2

Hurrengo ariketan irudi bat erakutsiko diegula eta irudian zer ikusten duten adierazi beharko dutela azalduko diogu taldeari.
Irudia erakutsi eta tarte bat utziko diegu, arretaz ikus dezaten eta haren gainean isilean hausnar dezaten.
Eztabaida bat gidatuko dugu irudiak iradokitzen digunaren inguruan, eta parte hartzaile bakoitzak bere ikuspegia eman dezan utziko dugu.
Amaitzeko, gogoeta labur bat egingo dugu, gauza bera batzuek eta besteek desberdin ikus dezakegula esanez, eta hori, berez, ez dela ez ona ez txarra azalduz. Era berean, gertaera batek forma desberdinak har ditzakeela azalduko dugu, eta gertaera beraren bertsio desberdinak atera daitezkeela hartatik abiatuta.

Toki eroso bat, ondo entzuteko oztoporik gabekoa.